Алапат өрт оқшауланды

«Ақжайық» мемлекеттік табиғи резерватындағы 1510 гектар аумақтағы ашық өрт толық оқшауланды. Қазір кей жерлерде қамыс бықсу байқалуда. Бұл туралы облыс әкімдігінің баспасөз қызметі хабарлады.

Оқиға орнында Атырау облысының әкімі өрт сөндіру жұмыстарына қамтылған күштердің қызметін үйлестіруді жалғастырып жатыр.

Айта кетейік, өртті сөндіруге 150-ге жуық адам мен 50-ге тарта техника тартылды. Аталған жұмыстарға облыстық төтенше жағдайлар департаменті, «Ақжайық» МТР, орман шаруашылығының мамандары және арнайы мекемелердің өкілдері қатысуда.