![«Әдепсіздікке» жол жоқ 1 757578](https://atr.kz/wp-content/uploads/2023/05/757578.png)
«Әдепсіздікке» жол жоқ
Жаңа құраммен өткізілген Әдеп жөніндегі кеңесінің көшпелі отырысының күн тәртібінде бес мәселе қаралды.
Әлқиссасына келейік, Исатай ауданы әкімінің орынбасары тарапынан азаматтармен қарым-қатынаста әдепсіздік және бейәдеп мінез-құлық фактілеріне жол беріліп, іскерлік әдеп қағидаларының сақталмағаны анықталыпты. Мемлекеттік органның абыройы мен беделіне айқын нұқсан келтіретін әрекеті үшін аталған тұлғаға «ескерту» түріндегі тәртіптік жаза қолдану туралы шешім қабылданды.
Сондай-ақ, кеңесте Қызылқоға ауданы әкімінің және Атырау қаласы әкімдігінің Әдеп жөніндегі уәкілінің есептері тыңдалып, мемлекеттік қызмет және сыбайлас жемқорлыққа қарсы іс-қимыл саласындағы заңнама аясында, сондай-ақ қызметтік әдептің сақталуын бақылауды жүзеге асыру бағытындағы қызметтеріндегі «солқылдақ» мәселелер талқыға салынды.
Осы ретте, сыбайлас жемқорлық тәуекелдеріне жүргізілген талдау қорытындысы да бар. Бұл жөнінде Сыбайлас жемқорлыққа қарсы іс-қимыл департаментінің өкілі тиісті мәліметпен бөлісіп, баяндама жасады.
Бұл орайда, аталған мәселелер бойынша Әдеп жөніндегі кеңеспен әкімдер мен мемлекеттік орган басшыларына тиісті ұсыныстар енгізілді.
Рита ӨТЕУҒАЛИ