Сарайшық әлі де жұмбақтарды сақтайды
Туристік сала әрқашан тартымды болады, өйткені адамдар, шын мәнінде, саяхаттауды, әлемді білуді, жаңа және қызықты нәрсемен танысуды ұнатады. Сондықтан туризм көптеген елдерде басымдыққа ие, ал Қазақстанда экономиканың осы маңызды саласының барлық түрлерін: экологиялықтан тарихи және іскерлікке дейін дамыту үшін қажет нәрсенің бәрі бар.
Осы тұрғыдан алғанда, Сарайшық әлемдік туристік нысанға айналуы тиіс.
Атырау облысында туризмнің дамуы, ең алдымен, ежелгі Сарайшық қалашығымен байланысты. Туристерді тарту үшін біздің сапар орталығымыз жұмыс істейді, оның басты міндеттерінің бірі — облыстың туристік әлеуетін арттыру, ежелгі тарихи орындарды көрсету арқылы шетелден қонақтарды тарту.
Келушілер орталығы тек экспозициялық залдар ғана емес, мұнда түрлі танымдық және мәдени іс-шаралар, көрмелер өткізуді жоспарлап отыр.
2019 жылдан бастап «Сарайшық «мемлекеттік тарихи-мәдени мұражай-қорығы «Музейге сая» акциясын өткізеді. Осы акция аясында мұражай қоры этнографиялық артефактілермен толықтырылды. Бүгін ескі ғимаратымыздың орнында этнографиялық мұражай аштық. Ол келушілер үшін де ашық. «Сарайшық» мұражай-қорығының қорын ел тарихымен байланысты құнды жәдігерлермен толықтыруға үлес қосқан және белсенді қатысқан отандастарымызға алғысымызды білдіреміз. Әрине, бұл жұмыстардың барлығы тек бастамасы. Біз бұл дәстүрді жалғастыруға ниеттіміз. Біздің мұражай бірегей нюанстар мен бөлшектерге қол жеткізуге мүмкіндік береді, олар туралы басқа ақпарат көздерінен оқи бермейді. Олар адамдардың интеллектуалды және рухани ағартушылығына қызмет етеді.
Жанар ДИЯРОВА,
«Сарайшық»мемлекеттік тарихи-мәдени мұражай-қорығы директорының орынбасары
