Адвокат қылмыстың көбею себебін айтты

ІІІ Ұлттық құрылтайда сөз алған адвокат Айман Омарованың айтуынша, бұқара арасындағы жағымсыз жарнамалардың көбеюі түрлі жайсыз оқиғаларды жиілетуде.

Заңгер нашақорлық, өзіне-өзі қол жұмсау, басқа да теріс әрекеттер – тиісті құрылымдар жұмысындағы олқылықтардың «жемісі» екеніне мән берді.

– Әсіресе әйелдердің тұрмыстық зорлық-зомбылықтан зардап шегуі, балаларға әлімжеттік жасалуы, гендерлік теңдіктің болмауын терең талдай отырып, қолданыстағы нормативтік-құқықтық актілерге өзгерістер енгізуді талап етеді, – деді құқыққорғаушы А.Омарова.