4-6 тамызда Түркия мемлекетінің Стамбул қаласында еркін күрестен 17 жасқа дейінгі жасөспірімдер арасында әлем біріншілігі өтті. Оған 51 мемлекеттің палуандары қатысты.
Байрақты бәсекеде еліміздің намысын жерлесіміз, № 1 мамандандырылған балалар-жасөспірімдер спорт мектебінің тәрбиеленушісі, олимпиада резервін дайындау орталығының облыстық құрама команда мүшесі Нұрдәулет Сейілбеков қорғады.
Атыраулық Нұрдәулет Сейілбеков қола жүлде үшін күресте үндістандық палуан Нариндер Нариндермен кездесті. Нәтижесінде 1:1 есебінде қарсыласымен тең түсті. Чемпионат қорытындысымен Нұрдәулет Сейілбеков 71 келі салмақ дәрежесінде қола жүлдегер атанды.
