Атыраулық дюздошы Еуропа кубогінің күміс жүлдегері атанды

Атыраулық дюздошы Эсимгуль Куюлова Еуропа кубогінің күміс жүлдегері атанды, деп хабарлайды Өңірлік коммуникациялар қызметі.

Хорватияның Дубровник қаласында 15-16 сәуірде дюздодан Еуропа кубогі өз мәресіне жетті. Әлемдік додаға 24 елден 308 спортшы қатысты. Байрақты бәсекеде ел намысын қорғаған Эсимгуль Куюлова күміс жүлдеге ие болды. 63 келі салмақ дәрежесінде татамиге шыққан Эсимгуль іріктеу кезеңдерінде Дания, Хорватия, Голландия елдерінің спортшыларын басым түсті.

Айта кетейік, Э.Куюлова былтыр Азия және Еуропа кубоктерінің иегері атанған болатын.