Атыраулық ардагерлер Азия чемпионатында жеңіске жетті

Облыстық спорт және дене шынықтыру басқармасының баспасөз қызметінен білгеніміздей, 24-26 сәуір күндері Өзбекстан елінің Самарқанд қаласында армрестлингтен жастар, ересектер және ардагерлер арасында Азия чемпионаты өтті.

Сайысқа 14 мемлекеттен 500-ге жуық спортшы қатысты.Атыраулық ардагерлер құрлық додасында жоғары нәтижеге қол жеткізді. 80 келі салмақта Қанатова Алмагүл және +80 келіде Молдашева Рахия жарыс жеңімпазы атанды. 70 келіде Тарабрин Константин күміс жүлдеге ие болды.

Амандық САҒЫНТАЙҰЛЫ