Жарнама
Спорт

Атыраулық Әйгерім Парижде көк туды желбіретті

Жуырда Франция астанасы Париж қаласында джиу-джитсудан өткен халықаралық Grand Prix турнирінде атыраулық спортшы Әйгерім Төреғожина ел мерейін үстем етті. Әлемнің 30 елінен келген мықтылар арасында Әйгерім файтинг бөлімінде үш жекпе-жек өткізіп, қарсыластарының бәрін айқын басымдықпен жеңіп, алтын медальді иеленді. Жарыстың бірінші күні-ақ жеңіс тұғырына көтерілген спортшының құрметіне Қазақстан Республикасының Мемлекеттік әнұраны асқақ шырқалды.

img 0353
Screenshot

Әйгерім Төреғожина – Атырау қаласындағы джиу-джитсу академиясының спортшысы. Ол М.Сүлейменов атындағы спорт кешенінде жаттығады. 2009 жылдан бері джиу-джитсу спортына ден қойған ол бүгінде бұл салада үлкен тәжірибе жинап үлгерді. Әйгерім – бірнеше дүркін Қазақстан чемпионы, Әлем чемпионатының күміс жүлдегері, сондай-ақ Азия чемпионаттарының бірнеше мәрте жеңімпазы.

– Париждегі дода оңай болған жоқ. Бірақ Әйгерім әр жекпе-жегінде шеберлігімен, жоғары дайындықпен өнер көрсетті. Оның бұл жеңісі еліміздегі джиу-джитсу спортының дамуына да серпін береді. Ендігі мақсатымыз – осы айдың соңында Иорданияның Амман қаласында өтетін Азия чемпионатында Қазақстанның намысын абыроймен қорғау, – дейді Әйгерімнің жеке жаттықтырушысы, облыстық джиу-джитсу федерациясының директоры Айбар Есенғалиев.

a46e05c4 ee30 4abd b7e6 01aa5b906467

Оның айтуынша, бүгінде Атырада спорттың бұл түріне қызығушылық артқан. Ал Әйгерім сынды арулардың халықаралық аренада көк байрағымызды биіктен көрсетуі – өскелең ұрпаққа үлгі.

Айта кету керек, Әйгерім Төреғожина бүгінде әлемдік рейтинг бойынша үздік бестіктен орын алды.

Алтыншаш ҚҰРМАШЕВА

Related Articles

Добавить комментарий

Ваш адрес email не будет опубликован. Обязательные поля помечены *

Back to top button