![Талқайраңда қосымша бөгеттер салынуда 1 img 20240525 wa0096](https://atr.kz/wp-content/uploads/2024/05/img-20240525-wa0096.jpg)
Шаһар шырайы
Талқайраңда қосымша бөгеттер салынуда
Атырау қаласындағы Талқайраң-2 ауылынан 2 шақырымнан астам жерде Соколок каналынан шыққан судан қорғау үшін қосымша бөгет салынып жатыр. Бұл жұмыстарға жергілікті компаниялар және Жамбыл облысынан келген техникалар мен жұмысшылар жұмыс істеуде.
![Талқайраңда қосымша бөгеттер салынуда 2 img 20240525 wa0097](https://atr.kz/wp-content/uploads/2024/05/img-20240525-wa0097-1024x768.jpg)
Алдағы уақытта осы бөгетті көтеріп, нығыздау жұмыстары жасалмақшы. Бөгеттің басына қала әкімі Шәкір Кейкин, Қайыршақты ауылдық округінің әкімі Шапхат Қалиев келіп, жұмыс барысын бақылады.
Таңертеңнен бері жанар-жағармай болмай кезегін күткен ауыр техникалар түстен кейін жұмысқа кірісті. Жергілікті әкімдік тарапынан жұмыс басына қажеттіліктер жеткізіліп, жұмысшылардың түскі-кешкі аспен қамтылатындығы да белгілі болды.
Алмас ҚАБДОЛОВ