«Сын түзелмей, мін түзелмейді»

Бастауын сонау «Ерік» газетінен алған сүйікті «Атырауымыздың» шыға бастағанына тоқсан төрт жылдан асып барады. Осы уақыт ішінде аталған мерзімдік басылым шынайы сөзі мен пайымды пікірі арқасында өз оқырмандарының жүрегінен лайықты орын ала білді.

Облыс айнасы осы кезге дейін бірлік, халықтар достығы, туған тіл, адам саулығы, оны күтудің жолдары, экономика, экология, отбасы, білім беру, құқық қорғау және басқа мәселелер төңірегінде тұрақты қалам тербеуде. Алдағы уақытта журналистер патриоттық тәрбие, отансүйгіштік қасиет,  сонымен бірге,  әр саладан сыни мақалалар жазып отырса деген өтінішім бар. Бізден бұрынғылар «Сын түзелмей, мін түзелмейді» демеп пе еді?! Олай болса, көп көкейінен шығатын сын мақалаларды жиірек берсеңіздер.

Мейрамбай ДҮЙСЕНОВ, зейнеткер,

Х.Ерғалиев ауылы,

Исатай ауданы.