Атырауда жол жөндеу жұмыстарына байланысты көшелер жабылады
Бүгін, 14 мамыр күні сағат 12:00-ден бастап Атырау қаласындағы Жастар көшесінен Еркінқала бағытындағы тас жолда қайта жаңғырту жұмыстары басталады. Осыған байланысты Бекет ата көшесі бойындағы “Qazaq Oil” жанармай құю бекетінен “Қазпошта” ғимаратына дейінгі аралықта көлік қозғалысы уақытша тоқтатылады. Бұл туралы Атырау қалалық әкімдігінің баспасөз қызметі хабарлады.
Аталған учаске арнайы сызбада көрсетілген. Сонымен қатар осы бағытта қатынайтын кейбір қоғамдық көліктердің қозғалыс бағыттарына да уақытша өзгерістер енгізіледі. Жаңартылған маршруттар мен айналма жолдар сызбада нақты көрсетілген.
-Тұрғындардан өз маршруттарын алдын ала жоспарлап, уақытша шектеулерді ескерулерін сұраймыз. Уақытша қолайсыздықтар үшін кешірім сұраймыз, — делінген баспасөз хабарламасында.
А.НӘСІПҚАЛИҚЫЗЫ
