Атырау көшелерінде тазалық жұмыстары жүргізілуде

Атырау көшелерінде арнайы су соратын машиналар, тиегіш және жүк машиналарының қызу жұмысы басталды. Кешеден жауған қар мен жаңбыр суынан көшелерді тазалау бүгінде қарқынды жүруде. Коммуналдық қызмет мамандары тәуліктің кез келген уақытында үздіксіз жұмыс атқаруда.

-Күн райының қолайсыздығына байланысты кеше кештен бастап қала көшелерін тазалауға арнайы машиналар бөлініп, вакуум көліктері су сорып, тұз себу жұмыстары жүргізілуде. Әр көшеге 10-15 адам күші жұмылдырылды, — дейді
“Арнаулы Автобаза” мекемесінің учаске басшысы Мира АСАНОВА.

Еріген қар мен жаңбыр суынан тазалау жұмыстары күн райы тұрақталғанша жалғасады.