Университет бенефициарлығымен білім тарату бойынша ет өніміне байланысты “Мақаш” өндірістік кооперативі, «Сапалы ет шұжығының жаңа түрлерін дайындайтын жүйені өндіріске енгізу және оны тарату» жобасы бойынша жұмыс жасаса, «Жасыл экономикаға» байланысты «Алаша-Атырау» ЖШС «Қызанақ, қияр және басқа көкөністерді тамшылатып суарудың жаңа технологиясын жасақтау» арқылы суды үнемдеу технологиясы бойынша жұмыс жүргізді. «Ракуша» өндірістік кооперативі директоры С.Қожамұрат «Балық және балық филесін тұрақтандырудың микробиологиялық жаңа технологиясын жасақтау» бойынша білім тарату семинарларын өткізді.
Міне, осы жоба жұмыстарының өзі технопаркті қажетсінеді. Технологияның өзі фундаментальды ғылым негізінде зерттеледі. Сөйтіп, неғұрлым заман талабына сай жаңа технология мен ғылымды ұштастыру нәтижесінде өндірісті дамытуға болады. Ол үшін жоғары оқу орындарын, ғалымдарды қатыстыру қажет. Бұл арада сол саладағы екі жақ та тығыз байланыста болуы керек. Сонымен бірге, ғылыми жоба әзірлемелері коммерцияландыруды қажет етеді. Жолдау қарсаңында Х.Досмұхамедов атындағы Атырау мемлекеттік университеті “Түйе сүтінен жаңа сүт қышқылы сусынын дайындау тәсілі” бойынша зияткерлік инновациялық патентке ие болғанын атап кеткен жөн деп ойлаймын. Бұған дейін зияткерлік меншіктегі инновациялық патенттер жеке ғалымдарға тиесілі болған еді. Бұл, әрине, қуантарлық жағдай.
Тағы бір айта кететін жайт, үлгерімі жақсы жастарды қолдаудың тиімді жүйесін жасау студенттерді ынталандыратыны сөзсіз. Магистранттарды белгілі бір тақырыптар бойынша ғылыми жобаларға қатыстыру, елдің дамуына қажетті ғылым үшін алдына мақсат қойып, нәтижеге жетуде өздерін қамшылау жас ұрпақтың негізгі міндеттерінің бірі екені анық.
София САҒЫНДЫҚОВА,
Х.Досмұхамедов атындағы Атырау мемлекеттік
университетінің
профессоры,
«Биотехнология ғылыми-зерттеу» орталығының директоры.
