Тұңғыш Президент күні аталып өтілмей ме?

Мәжілісмендер Тұңғыш Президент күнін мемлекеттік мереке мәртебесінен айыруды ұсынып жатыр. Осыған орай біз белгілі саясаттанушы Ғазиз Әбішевтің пікірін білген едік.

– Меніңше, алда сайлау келе жатыр, Жаңа Қазақстан дәуірі басталып та кетті. Сондықтан аталған мереке де өз мәнісін жойған секілді. Бұл — халықтың пікірі. Бірақ, мұны нақты заңдық негізде жоғарғы жауапты органдар шешеді. Бастысы, халықтың пікірі ескеріледі деген сенімдемін, — дейді ол.

Айта кетейік, депутаттар ұсынып отырған заң жобасында «1 желтоқсан – Тұңғыш Президент күнін мерекелеуді Мемлекеттік рәміздер Күні, Алғыс айту күні және басқа да жоғары қоғамдық маңызы бар күндер сияқты мемлекеттік мерекелер қатарынан алып тастау ұсынылады» делінген.

Амандық САҒЫНТАЙҰЛЫ