Есбол ауылында жылқышы әйел референдумға қатысты

 Есболдағы референдум өтетін орынға байырғы жылқышы Ағзира апай Мұқамбетова бала-келіндерін ілестіріп арнайы келіпті.

83 жастағы әжеміз заманында марқұм Нәсер қарт екеуі «Правда» совхозының жылқышысы болып, ұзақ жыл еңбек етті. Абырой биігінен көрінді. Бүгінде балалары Базарғали мен Болат әке таяғын ұстап, Тоқбайда өнікті еңбектің үлгісін көрсетуде.

— Балаларыммен келіп, өз таңдауымызды жасадық. Заманымыз тыныш, әрқашан бейбітшілік болсын. Еліміз көркейе берсін, —дейді еңбек ардагері.