E  se tiktegen eki k  siporyin

Еңсе тіктеген екі кәсіпорын

Саясат

Өңірге республикалық ақпараттық топ мүшесі, Инвестициялар және даму министрлігінің комитет төрағасы Алмас Батанов келді. Ол аймақтағы өндіріс орындарын аралап, Елбасының биылғы «Қазақстандықтардың әл-ауқатының өсуі: табыс пен тұрмыс сапасын арттыру» атты Қазақстан халқына Жолдауының басым бағыттарын түсіндірді.

????????????????????????????????????

– Елбасы Жолдауында инновациялық жобаларды жүзеге асыруға зор мән беріліп отыр. Кез келген кәсіпкер жаңа жобаны қолға алғанда, оның инновациялық ерекшелігін ескеруі керек. Ал, күнделікті сауда-саттық бағытында ашылып жатқан бизнес-жобалардан түсетін пайда айтарлықтай көп емес. Сондықтан, индустриалдық даму картасына енген жобаларға мемлекет тарапынан көрсетілетін қолдауды орынды пайдалану қажет, – деді Алмас Батанов.

Жалпы, Алмас Батановтың айтуынша, республикада 72 кәсіпорын ісін тоқтатқан. Қазір соның себеп-салдары анықталып жатыр. Солардың үшеуі Атырауда орналасқан екен. Осы орайда, облыстық кәсіпкерлік және индустриялық-инновациялық даму басқармасының басшысы Айқын Елеусізов аталған үш жобаның екеуін тізімнен алып тастауға ұсыныс білдірді.

Жұмысы жанданбай тұрған кәсіпорындар қатарынан «Жігермұнайсервис» және электр қуатын өндіретін «Сағат энерджи» (қуаты – 11 мегаватт) мекемелерін алып тастауға болады, – деді ол.

Өйткені, бұл кәсіпорындар жыл басынан бері толық қуатта жұмыс жасап тұр. Ал, «Досжан и компания» серіктестігінде қамыс ұсақталып, жиһаз материалдарын дайындау көзделген. Әзірге ағаш ұнтақтарын жапсыратын сапалы желімнің жоқтығы қолбайлау болып тұр. Енді бұл кәсіпорынның жұмысын жандандыруға ресейлік инвесторлар ниет білдіріп отыр.

Амандық САҒЫНТАЙҰЛЫ

Пікір үстеу

Э-пошта мекенжайыңыз жарияланбайды. Міндетті өрістер * таңбаланған