Облысымызда 23 мыңнан астам мүгедектігі бар адамның, кедейлік шегінен төмен тұратын 720 отбасындағы 4122 адамның және әлеуметтік қолдауды қажет ететін осал топтардың, оның ішінде тек қана ай сайынғы жәрдемақыға қарап отырған адамдардың жұмсайтын қаржысының тең жартысынан көбі азық-түлік алуға кетеді.
Жасыратын жоқ, қазіргі таңда халық несие алуға тәуелді болып отыр. Инфляция өскен сайын халықтың нақты табысы құнсызданып жатыр. Ал, халықтың табысын, әлеуметтік саланың шығысы есебінен арттыра берудің де бір шегі бар. Өйткені, елдің әлеуметтік-экономикалық даму мәселелері қаралған кеңесте Президент айтқандай, импортқа тәуелді болмай, ауыл шаруашылығы және өндіріс салаларын дамытып, елімізде өндірілетін тауардың көлемін ұлғайту қажет.
Альфия Төлеғариева,
облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары
