Саясат

2026 жылға дейін қарыздарды коллекторлық ұйымдарға беруге мораторий енгізілуі мүмкін

Енді микроқаржы ұйымдары белгілі бір мерзімнен кейін азаматқа айыппұл мен өсімпұлды есепке қоса алмайтын болады, демек қарыздың шамадан тыс өсуіне жол берілмейді. Борышкерлер әскери қызметке шақырылған кезде қызмет өткеру кезеңінде несие пайыздары есептелмейтін болады. Бұл туралы депутаттар Сенаттың Қаржы және бюджет комитетінің кеңейтілген отырысында қазақстандықтардың несие алуын азайту жөніндегі заңды талқылау барысында мәлімдеді.

Несие беру кезіндегі қауіптерді азайтуға, қарыз алушылардың құқықтарын қорғауға, қаржы нарығын реттеуге және атқарушылық іс жүргізуді жетілдіруге қатысты заңды талқылауға жиналған депутаттар заң азаматтардың шамадан тыс несие алуын азайтуды көздейтінін атап айтты.

-Енді микроқаржы ұйымдары белгілі бір мерзімнен кейін азаматқа айыппұл мен өсімпұлды есепке қоса алмайтын болады, демек қарыздың шамадан тыс өсуіне жол берілмейді. Борышкерлер әскери қызметке шақырылған кезде қызмет өткеру кезеңінде пайыздарды есептелмейтін болады. Оған қоса, қалыпты несие саясатын жүргізу және проблемалық берешекті реттеу үшін 2026 жылғы 1 мамырға дейін қарыздарды коллекторлық ұйымдарға беруге мораторий енгізу ұсынылды.

Одан басқа, несиенің мерзімі 90 күннен астам уақыт өткен жағдайда азаматтарға оның үстіне несие беруге, сондай-ақ жұбайының немесе жұбайының келісімінсіз несие алуға тыйым салу көзделіп отыр, – делінген Сенаттың баспасөз қызметі таратқан мәліметте.

Алаяқтыққа қарсы іс-қимыл жасау үшін қаржы нарығына бірқатар шаралар ұсынылды. Осы мақсатта банктер мен микроқаржы ұйымдарына биометриялық сәйкестендірусіз клиентке электрондық қарыз беруге тыйым салынады.

Депутаттардың айтуынша, заң азаматтардың несие алу деңгейін төмендетуге, алаяқтық тәсілмен қарыздар мен микрокредиттерді және клиенттердің банк шоттарынан ақшаны заңсыз алуды ресімдеу қауіптерін азайтуға ықпал етеді.  Сондай-ақ стресстік активтер нарығының дамуына және оларды экономикалық айналымға тартуға оң әсер етеді.

Сенаторлар отырыс қорытындысы бойынша құжатты Палатаның қарауына жіберу туралы шешім қабылдады.

Related Articles

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Back to top button