ДАУЫС БЕРУШІЛЕРГЕ ЖӘРМЕҢКЕ МЕН КІТАП КӨРМЕСІ ҰЙЫМДАСТЫРЫЛУДА

Мақаш ауылдық округінде орналасқан №165 сайлау учаскесінің аумағы мерекелік көңіл-күйге бөленген. Күй күмбірлеп, тұрғындар шат-шадыман, қуанышты күйде. Өз таңдауын жасаушыларға Шабыт ауылдық кітапханасы арнайы кітап көрмесін де ұйымдастырған. Сайлаушылар көрмедегі өзіне ұнаған кітабымен танысып, рухани азыққа кенелуде. Сондай-ақ, жеке кәсіпкер Мөлдір Қажыбаева дауыс берушілер үшін жәрмеңке өткізуде. Бұл жерде азық-түліктер әдеттегіден 10-15%-ға төмен бағада сатылуда. Саяси науқанға келген халық дауыс беріп қана қоймай, тиімді сауда жасап та үлгеріп жатыр.

Еркеназ Қалижан