![Ауыл әкімін таңдауда 1 img 0522](https://atr.kz/wp-content/uploads/2024/07/img_0522-780x470.jpeg)
Ауыл әкімін таңдауда
![Ауыл әкімін таңдауда 2 img 0519](https://atr.kz/wp-content/uploads/2024/07/img_0519-768x1024.jpeg)
Мемлекет басшысы Қасым-Жомарт Тоқаев халыққа арнаған өз Жолдауларының бірінде: «Ендігі жерде әкімдерді халықтың өзі сайлайтын болады, сол арқылы елімізде нақты саяси реформалар жүзеге асырылатын болады», деген болатын. Содан бері ауыл, аудан әкімдері сайлана бастады.
Міне, бүгін 115 сайлау учаскесінде Бөдене ауылының тұрғындары өз әкімдерін сайлау үшін дауыс беруде.
Сайлау таңғы сағат 07:00 де басталды. Мемлекеттік Әнұран орындалған соң учаскелік сайлау комиссиясының төрағасы Абзал Тасимов сөз сөйлеп ашып, сайлау тәртібімен түсіндірді.
![Ауыл әкімін таңдауда 3 img 0520](https://atr.kz/wp-content/uploads/2024/07/img_0520.jpeg)
Аталған сайлау учаскесінде 907 сайлаушы тіркелсе, 15 жас алғаш рет өз таңдауларын жасамақшы. Жалпы сайлау үшін барлық жағдай жасалған.
Алғашқылардың бірі болып дауыс берген Қымбат Меңдікенова, Диас Ағысұлы сынды белсенділер өз таңдауларын жасады.
Сайлау қалыпты өтуде.
Жанай АМАНТУРЛИН