Алғаш рет дауыс берді

Сайлаушылардың арасында кәмелеттік жасқа толып, алғаш рет дауыс беріп жатқандар да бар. Соның бірі Индер ауданы Өрлік тұрғыны Тілеген Қибаш биылғы тамыз айының 2-ші жұлдызында 18 жасқа толған. Ол ауылдағы сайлау учаскесіне ертемен барып, өз таңдауын жасады. Әрі учаскелік сайлау комиссия мүшелерінің қолынан сыйлық алды.

—Референдумға қатысуға болатынын естігенде қуандым, әрі сұрақ қойып қала ма деп қобылжығаным да рас. Сондықтан да сайлауға келмес бұрын референдуммен танысып шықтым.
Ал сайлау учаскесінде бәрін оңтайлы жасап қойған екен. Еш қиындықсыз даусымды беріп шықтым. Елімнің болашағы үшін үлесімді қосып жатқаныма қуаныштымын, – дейді Тілеген Жасұланұлы.

С.Сансызбайұлы
Индер ауданы