Жалған ақпарат таратқанға жаза бар

Төтенше жағдайлар кезінде жалған ақпарат таратқандар заң алдында жауапкершілікке тартылатынын ұмытпауы қажет. Бұл туралы облыстық жедел штабтың полиция департаменті өкілі, полиция мойоры Аманжол Жұмалиев ескертеді.

–Апатты және төтенше жағдайлар кезінде әлеуметтік желілер мен мессенджерлерде жалған хабарламалар көптеп тарайды. Қазақстан заңнамасына сәйкес, фейк ақпарат таратқаны үшін Қылмыстық кодекстің 274-бабына сәйкес жауапкершілік көзделген. Яғни, бір мың айлық есептік көрсеткішке дейінгі мөлшерде айыппұл салуға не бір жылға дейінгі мерзімге бас бостандығын шектеуге не сол мерзімге бас бостандығынан айыруға жазаланады, — деді ол.

Атырау облысының төтенше жағдай жөніндегі жедел штабы

Коллажды жасаған Сая РАМАЗАНОВА