Өзбекстаннан келген әйел қылмыс үстінде ұсталды
Атырау қаласында притон ұйымдастырған Өзбекстан Республикасының азаматшасы ұсталды.
16 маусым күні Атырау облысы ПД Есірткі қылмысына қарсы іс-қимыл басқармасының қызметкерлері «Қарасора» республикалық жедел алдын алу іс-шарасы кезінде Атырау қаласы аумағында есірткі заттарын заңсыз сақтаумен айналысқан азаматшаны анықтады. Тергеу барысында оның 1998 ж.т. Өзбекстан Республикасының азаматшасы екендігі анықталып, жалдамалы пәтерін тінту кезінде ұнтақ тәрізді заты бар 2 полиэтилен пакет, өсімдік тектес қағаз түйіншек және синтетикалық есірткіні қолдануға арналған шыны құрылғылар табылып, тәркіленді. Атырау облысы бойынша сот сараптамалары Институты тәркіленген заттардың психотроптық заттар @-pvp және кептірілген марихуана екендігін анықтады.
Аталған факті бойынша ҚР Қылмыстық кодексінің ҚР ҚК-нің 296 бабы 4 бөлігімен бойынша сотқа дейінгі тергеу амалдары жүргізілуде.
«Атырау облыстық полиция департаментінің баспасөз қызметі»
