Мемлекеттік қызметкер, полицей және әскерилерге ойын-сауықтың бір түріне тыйым салынды
Мемлекет басшысы Қасым-Жомарт Тоқаев мемлекеттік қызметкерлерді, әскери қызметкерлерді, полиция қызметкерлері мен құтқарушыларды ойын орындарына барудан бас тартуды міндеттейтін жарлыққа қол қойды, — деп хабарлайды Tengrinews.kz тілшісі.
Жаңа құжат Президенттің бұрынғы кейбір жарлықтарына толықтырулар енгізді.
«Қазақстан Республикасы Қарулы Күштерінің, басқа да әскерлері мен әскери құралымдарының жалпыәскери жарғыларын бекіту туралы» 2007 жылғы 5 шілдедегі № 364 Жарлықта жаңа тармақ енгізілді: «Әскери қызметші қызметтік міндеттерін атқарумен байланысты жағдайларды қоспағанда, ойын мекемесіне барудан бас тартуы тиіс».
«Мемлекеттік қызметшілердің әдеп нормалары мен мінез-құлық қағидаларын одан әрі жетілдіру жөніндегі шаралар туралы» 2015 жылғы 29 желтоқсандағы № 153 Жарлықта мемлекеттік қызметшілердің Әдеп кодексінде: «Қызметтік міндеттерін атқарумен байланысты жағдайларды қоспағанда, ойын мекемесіне барудан бас тарту» тармағы қосылады.
«Құқық қорғау органдары, азаматтық қорғау органдары және мемлекеттік фельдъегерлік қызмет қызметкерлерінің Әдеп кодексін бекіту туралы» 2023 жылғы 2 қаңтардағы № 81 Жарлықта құқық қорғау органдары, азаматтық қорғау органдары және мемлекеттік фельдъегерлік қызмет қызметкерлерінің Әдеп кодексінде сондай-ақ: «Қызметтік міндеттерін атқарумен байланысты жағдайларды қоспағанда, ойын мекемесіне барудан бас тарту» тармағы қосылады.
Қаулы алғашқы ресми жарияланған күнінен кейін 10 күнтізбелік күн өткен соң қолданысқа енгізіле
