«Есірткісіз болашақ»: полицейлер аудан оқушыларымен кездесті
Нашақорлыққа қарсы іс-шаралар кешенін жандандыруда, сондай-ақ жас ұрпақтың санасын улаған психотропты дертпен күрестің алдын алуда полиция қызметкерлері тарапынан бірқатар жұмыстар атқарылып келеді. Осы орайда, Атырау облысы полиция департаменті Есірткі қылмысына қарсы іс-қимыл басқармасы Сағыз орта мектебінің оқушыларымен кездесті.
Шара барысында оқушыларға «Есірткісіз болашақ» тақырыбында түсіндірме жұмыстары жүргізіліп, оқушылар викторинаға қатысып, синтетикалық есірткіні қолданудың зияны бойынша ұтымды ойларын ортаға салды. Белсенділік танытқан оқушыларға спорттық доптар сыйға берілді. Бұдан бөлек, белгілі режиссер Ринат Балғабаевтың есірткіні белгілі жерлерде қалдыру арқылы есірткі тарату мәселесіне және осы себепті түзеу мекемелеріне түскендердің тағдырына қоғамның назарын аударуға бағытталған «Қалдырушылар» атты деректі фильмі оқушылар назарына ұсынылды.
