Бүгін Атырау облысы Полиция
департаментінің бастығы полиция полковнигі
Қамза Үмбетқалиев гарнизондық тарату
кезінде жеке құрамды жаңа жылмен құттықтап, мереке күндері қауіпсіздікті
қамтамасыз ету жөнінде тапсырма берді.
Сондай-ақ, мереке күні қоғамның тыныштығы мен қауіпсіздігін қамтамасыз ету мақсатында қызмет ететін тәртіп сақшыларын Жаңа жыл мерекесімен құттықтады. Атырау қаласындағы Жедел басқару орталығының қызметкерлеріне, модульдік стационарлық бекеттер мен учаскелік полиция пунктеріне арнайы барып, жұмыс барысымен танысты.
- Жаңа жыл мерекесінде қала көшелері мен алаңдарда тұрғындар көптеп жиналады. Басты назар қоғам тыныштығы мен қауіпсіздігін қамтамасыз етуді жауапкершілікпен атқару. Құқықбұзушылықтар орын алған жағдайда жедел ден қоюды ұйымдастыру қажет. Тағы да мерекелеріңізбен құттықтаймын, қызметтеріңізге сәттілік! – деді, Атырау облысы полиция департаментінің бастығы полиция полковнигі Қамза Үмбетқалиев.
