Атырауда аңшы пышағымен және тапаншамен жүргендер ұсталды

Атырауда ұсталғандардан 10-ға жуық аңшы пышағы, 2 тапанша және психотропты дәрі-дәрмектер алынды.

Атырау облысының коменданты – облыстық Полиция департаментінің бастығы Қамза Үмбетқалиевтің айтуынша, суық қарумен жүргендер жексенбі, 9 қаңтарда ұсталды. «Төтенше жағдай талабына сәйкес блокбекеттен өтетін көліктер, жүргізушілер мен жолаушылар мұқият тексеріледі. Полиция қызметкерлері блокбекеттен өтпек болған көлікті тексеру кезінде 10-ға жуық аңшы пышағын, әсері жоғары психотропты дәрілерді тапты. Ал Атырау қаласының аумағында психотропты дәрі-дәрмектерді сатпақ болғандар ұсталды. Олардан 2 тапанша, 736 таблетка, 236 ампула түріндегі психотропты дәрі-дәрмектер тәркіленді», — деді Қ.Үмбетқалиев. Бұдан бұрын Атыраудағы жаппай тәртіпсіздіктен 49 полицей мен 27 сарбаз дене жарақатын алғанын хабарлаған едік.

ҚазАқпарат