Атырауда абақты бастығы тұтқындалды
Атырау облысы бойынша ҰҚК департаменті тергеу изоляторының бастығына қатысты сотқа дейінгі тергеу жұмыстары жүргізіліп жатқандығын растады.
Zakon.kz-тің хабарлауынша, 25 тамыз күні БАҚ-та құқыққорғау органдары қызметкерінің ұсталғаны туралы ресми емес ақпарат тараған болатын. Ол жекеменшік моншада 500 мың теңге көлемінде пара алу кезінде (жартысын соның алдында алған) ұсталған.
ҚК департаменті бастығының бірінші орынбасарының «АЖ» басылымына берген ақпараты бойынша, қазіргі уақытта Қылмыстық кодекстің 366-бабының 1-1-бөлігі («Құқық қорғау органы қызметкерінің немесе құқық қорғау органында жауапты мемлекеттік лауазымды атқаратын адамның пара алуы») бойынша сотқа дейінгі тергеу амалдары жүргізілуде.
Басылымның сенімді дереккөздерден алынған мәліметтеріне сәйкес, пара алудағы мақсат тергеу изоляторы бастығының (шын мәнінде ол басшының міндетін атқарушы болған) сотталғандардың бірін мекемеде қалдыруға уәдесі болған. Айтпақшы, айыпталушылар тергеу және сот процестері кезінде тергеу изоляторында болады. Сот үкімі шыққаннан кейін олар жазасын тұрақты жаза өтеу орнында өтейді.
Атырау облысының Антикор қызметі мекеме өндірісінде тергеу изоляторы бастығының пара алғаны туралы іс жоқ екенін хабарлады.
