«Жолбарыстар» – жүлделі
«Рухани жаңғыру» бағдарламасы аясында Көкшетау қаласында Кеңес Одағының батыры, қоғам қайраткері, жазушы Мәлік Ғабдуллиннің құрметіне «WKC» спорттық каратэ бойынша республикалық турнир өтті. Оған Атырау, Жамбыл, Қостанай, Батыс Қазақстан және Ақмола өңірлерінен 200 спортшы қатысты.
Жарыста Атырау облыстық каратэ-до шотокан федерациясы және еліміздің еңбек сіңірген жаттықтырушысы, бесінші дан қара белдік иегері Ерікқали Қойшекеновтың жетекшілігіндегі «Жолбарыс» спорт клубының мүшелері жоғары нәтижеге жетті.
Атап айтқанда, атыраулық Абат Әмірханов, Камил Жұмағалиев, Құдайберген Жұмабеков, Жәңгірхан Амангелді, Аңсаған Жұмабаева, Арлан Балмағамбетов, Бекзат Сайнов, Гүлназ Өсербай, Земфира Қапанова, Азиза Исабекова, Дарын Жағыпар, Айруз Балабеков, Зарина Асқарқызы, Ақбота Тілекқабыл, Мейірбек Мардан, Нұркен Жұбанышәлі, Қыдырәлі Тілекқабыл жүлдегерлер сапынан көрінді.
