Әсел – күміс жүлде иегері

Иордания астанасы – Амманда өткен каратэден (WKF) Азия чемпионатында 29 елдің  спортшылары бақ сынады.

Әйелдер арасындағы командалық жарыста Қазақстан ұлттық құрама сапында өнер көрсеткен  атыраулық каратэші Әсел Серікова күміс жүлдеге қол жеткізді.

Ұлттық құрама алғашқы бәсекесінде Оңтүстік Корея спортшыларын ұтып, екінші кездесуінде Қытай елінің каратэшілерінен басым болды. Ал, жартылай финалдық текетіресте олар Индонезия құрамасының қыздарын жеңіп, ақтық сында ғана Жапония құрамасына есе жіберді.

Мұратбек Жаңабай