Қайырымдылық акциясы өтті
Мұсылмандардың қасиетті айы – Оразада «Еділ-Жайық» қарақалпақ этномәдени бірлестігі қайырымдылық акциясын өткізді. «Достық үйіне» ағылған 30 шаңырақтың өкілі азық-түлікке толы сый-сияпат алып, өздерінің ақжарма тілектерін білдірді.
Олардың арасында мүмкіндігі шектеулі бала тәрбиелеп отырған Гүләйім Бисенғалиева мен Лиза Мусаева, аз қамтылған отбасының анасы – Айнұр Кәлімбетова және басқалары бар.
– «Берген ас түске жетпес, ықылас-ниет естен кетпес» дегендей, біз бір дорба тағаммен бұл кісілердің мұқтажын өтей алмаспыз. Бірақ, Оразада олардың көңілін аулап, титтей де болса қайырымдылық жасау – біздің адами парызымыз, — дейді аталған бірлестік төрағасының орынбасары Жеткербай Пішенбаев.
Лиза СЕЙТІМОВА
Суреттер мен видео автордыкі
