Патриот ұрпақ — ел болашағы

Жеткіншек ұрпақтың бойына патриоттық сезім ұялату. Осы мақсатта Атырау облыстық Нотариаттық палата өкілдері Пушкин атындағы №20 мектеп-гимназиясы оқушыларымен кездесті.

Соғыссыз тыныш өмірдің құндылығын ұғындырып, тарихты ұмытпауға шақырған тағылымды кездесу Жеңістің 80 жылдығына арналды.

-Тәуелсіздігіміздің нығаюы мен дамуының басты шарттарының бірі – патриотизм. Патриотизм ол көзсіз құштарлық емес, бабалар қанымен бойға сіңген Отанға, елге деген махаббат. Мемлекетіміздің болашағын қалыптастыратын жеткіншек ұрпақты осы бастан Отанына, атамекеніне шын жаны ашитындай рухта тәрбиелеу басты борышымыз. Кездесу өткен тарихты құрметтеу, соғыс ардагерлерінің ерлігін дәріптеу және жас ұрпақ бойына отансүйгіштік рухын сіңіру мақсатында өткізілді, – дейді облыстық нотариаттық палата төрайымы Гүлнар Масатова.