Өз құқыңызды білесіз бе?
Әрбір өндіруші немесе затты сатушы көрсеткен қызметі мен тауары үшін заң алдында жауапты. Күнделікті тіршілікте қарапайым тұтынушы ретінде қаншама рет құқымыз бұзылса да, оған аса мән бере бермейміз. Ал, сіз құқығыңызды қорғайтын арнайы заң барын білесіз бе? Біздің құқығымызды тұтынушы ретінде шектейтін әрекеттерді қалай ауыздықтауға болады? Міне, осындай мәселелер Тәуелсіздіктің 25 жылдығы мерекесіне орай еліміз бойынша бейне байланыс арқылы өткен «дөңгелек үстелде» кеңінен талқыланды. Ұлттық экономика вице-министрі Тимур Жақсылықов, ҚР Ұлттық экономика министрлiгiнiң Тұтынушылардың құқығын қорғау жөнiндегi комитеттiң төрағасы Әлиақпар Матишев, «Тұтынушылардың ұлттық лигасы» республикалық қоғамдық бірлестігінің төрайымы Светлана Романовская сөз алып, заңдағы өзгерістерге тоқталды.
