ОРТАҚ МҮДДЕЛЕР ТОҒЫСҚАН ЖҮЗДЕСУ

Жақында ғана өңірімізге жұмыс сапарымен келген Нидерланды Корольдігі Сыртқы істер министрлігінің адам құқықтары жөніндегі елшісі Кейс Ван Бар Атырау облысы кәсіподақтар орталығында да кездесу өткізді.

Шетелдік мәртебелі меймандарды қабылдаған аумақтық кәсіподақтар орталығының төрағасы Диас Сұлтанов бұл жолғы жүздесуге жоғарыда есімі аталған Кейс Ван Бардан өзге Нидерланды Корольдігі СІМ-нің мемлекеттік саясат жөніндегі аға кеңесшісі Гиллес Гудхарт пен кеңесші Лотте Хайэма, Нидерланды Корольдігінің Қазақстан Республикасындағы елшісі Хенри Дриссер және елшіліктің адам құқықтары мен жобалар жөніндегі үйлестірушісі Ирина Бучинская сияқты ресми тұлғалардың келгендігін мәлімдеп, қонақтарды әріптестеріне таныстырды.

Барлық кәсіподақ құрылымын тарихымен қоса тарқатып айтып, шешіле сөйлеген кәсіподақтар орталығының төрағасы Диас Сұлтановтың мәлімдемесін зер сала тыңдаған олар бизнестің әлеуметтік жауапкершілігін көтеруге бағытталған, елімізде соңғы бірнеше жылдан бері берік дәстүрге айналған «Парыз» конкурсына ерекше көңіл бөліп, ықылас-ниеттерін қойды.

Әйгерім ТҮСІПҚАЛИЕВА,

Атырау қаласы.

Баға берсеңіз
Атырау газеті
Пікір қалдырыңыз