ӨЛІ ЖЕБЕМЕЙ, ТІРІ БАЙЫМАЙДЫ

«Жұмыла көтерген жүк жеңіл» дегендей, ауылға жақын орналасқан бейіттер түгел қоршалды. Бұл игі іске осы ауылдың төл перзенттері, облыстық және қалалық мәслихат депутаттары Оразғали Қаршегенов пен Ермекқали Юсуповтар бастамашы болды. Қорымды қоршауға 10 млн. теңгеге жуық қаражат жұмсалып, халыққа кіріп-шығуға ыңғайлы етіп жасалды. Олардың игі істеріне халық дән риза.
Көптен шешілмей жүрген өзекті істің түйіні осылайша шешіліп, қайырымдылық айында нүктесі қойылды. Ата-бабамыз «Өлі жебемей, тірі байымайды» деген қағиданы осындайда айтқан шығар. Аруақтарға құрмет ұрпақ сабақтастығы мен жалғастығының бір кепілі емес пе?! «Ақжолдықтардың» тындырар істері молайып, осы бағыттағы жұмыстары өз жалғасын таба беретініне сенім мол.

Рита ӨТЕУҒАЛИ.