Мемлекеттік қызметші – қоғам айнасы
Жұмысқа жаңадан қабылданған мемлекеттік қызметшілерге заң жүзіндегі этикасы мен мінез-құлық нормалары түсіндірілді. Осындай мазмұндағы іс-шаралар Атырау облысы әкімі аппаратының Әдеп жөніндегі уәкілі Фарида Ахметованың ұйымдастырумен 1 ай көлемінде жалғасады.
Жиынға сыбайлас жемқорлыққа қарсы іс-қимыл агенттігінің Атырау облысы бойынша департаменті, Мемлекеттік қызмет істері агенттігінің Атырау облысы бойынша департаменті, мүлік және жекешелендіру комитеті департаментінің өкілдері қатысты. Олардың тарапынан мемлекеттік қызметшіге жемқорлық сипатына жататын және рұқсат етілетін нормаларды, мемлекеттік қызметшіге сай этика және бірқатар шектеулер мен тыйымдардың ара-жігін ажыратып берді.
Айта кетейік, алдағы түсіндірме жиындарына басқа сала мамандары да шақыртылып жұмыстар жүргізілмек.
Малика ТӘКЕЖАНОВА
