Аудан әкімшілігінің кіші мәжіліс залында өткен V-сайланған Қызылқоға аудандық мәслихатының кезекті ХХVII сессиясында аудандық мәдениет және тілдерді дамыту бөлімінің басшысы Жәния Ізбасқан «Қызылқоға ауданы бойынша барлық округтердегі көрнекі құралдарды (көше атауы, көше сілтемелері, барлық жарнама түрлері, маңдайша атаулары, билбордтар, т.б.) орналастыру жайы туралы» хабарлама жасады.
Сессияда аудандық мәслихаттың депутаты Құлмағанбет Қоданов сөйлеп, күні кеше 70 жылдық мерейтойын атап өткен аудан орталығы – Миялы селосының келбеті күн өткен сайын жасарып, айналаға ерекше сән беріп отырғандығын тілге тиек етті.
Аудан әкімінің орынбасары Бибоз Шаяхметов бұл бағыттағы жұмыстарға бюджеттен қаражат сұраныс бойынша бөлініп отырғандығын, сондықтан ауыл-село әкімдері елді мекендердегі көрнекілік жұмыстарының маңыздылығына ерекше мән беруі қажеттігін атап көрсетті.
Мағрупа ҚАЗИХАН,
Қызылқоға ауданы.
