ФАРИЗА – Х.ДОСПАНОВА АТЫНДАҒЫ ШӘКІРТАҚЫ ЖЕҢІМПАЗЫ
Жақында, қоғамдық ұйымның жанынан құрылған комиссия өзінің кезекті отырысын өткізіп, Х.Доспанова атындағы шәкіртақының жеңімпазын анықтады. Ол – Х.Досмұхамедов атындағы Атырау мемлекеттік университеті жаратылыстану факультетінің физика мамандығы бойынша тобының үшінші курс студенті Фариза Еділжанқызы болып шықты.
Білгеніміздей, комиссияның сарабына осындағы алты бірдей оқу орнынан ұсыныс түскен. Солардың арасынан үміткерлерге қойылатын барлық талаптарға (үздік оқуы, үлгілі тәртібі, қоғамдық жұмыстарға қатысы немесе белсенділігі, т.б.) сәйкес келіп, сыннан сүрінбей өткен Фариза атаулы шәкіртақының иегері ретінде танылған.
Cтипендияның тағайындал-ғандығын куәландыратын сертификат таяуда студентке өзінің дәріс алып жатқан білім ордасында салтанатты жағдайда табысталды.
Дәулетқали АРУЕВ.
