Доссор-Құлсары-Бейнеу тасжолында автобус аударылды

Бұл бүгін таңертең сағат 09.00-де Доссор-Құлсары-Бейнеу автожолының 105 шақырымында болды.

Атырау облысы полиция департаментінің баспасөз қызметінен хабарлағандай, «Higer» және «Toyota Camry»маркалы автобус соқтығысқан. Түрлі жарақат алған апат салдарынан автобустың алты жолаушысы ауруханаға жеткізілді. Мән-жайлар анықталуда, тергеу басталды.