Дмитрий Ли – Паразиаданың чемпионы!

           Индонезия астанасы – Джакартадан тағы бір сүйінші хабар жетті. Бұған дейін жүзуден екі күміс, екі қола медаль еншілеген атыраулық спортшы Дмитрий Ли Паразиада чемпионы атанды.

Бүгін ол S10 санатында 400 метрге еркін әдіспен жүзуден бақ сынады. Бұған дейінгі сайыстарда жүлделі орыннан көрінген ол бұл жолы қарсыластарын қапы қалдырып, Паразиаданың алтын медаліне қол жеткізді. Ол аталған қашықтықтың мәресіне қарсыластарынан 12 секунд бұрын жетті.

Осылайша, Дмитрий Ли Паразиадада еншілеген медальдар санын бесеуге жеткізді.

Жолдасбек КӨШЕРБАЙҰЛЫ