![Белгілі журналист құрметті еңбек демалысына шықты 1 146a0c1f 5e76 4c46 8dd2 088ed3ce48d9](https://atr.kz/wp-content/uploads/2024/02/146a0c1f-5e76-4c46-8dd2-088ed3ce48d9.jpeg)
Белгілі журналист құрметті еңбек демалысына шықты
Бүгін «Атырау-Ақпаратта» кезекті мерейлі шара өтті, деп хабарлайды atr.kz
Республикаға танымал публицист, өңір журналистикасының дамуына айрықша үлес қосқан қаламгер, «Ерен еңбегі үшін» медалінің иегері, Мәдениет саласының үздігі, «Атырау-Ақпарат» ЖШС директорының орынбасары Исатай Құндызбайұлы Балмағамбетовтің зейнет демалысына шығуына байланысты салтанатты жиын ұйымдастырылды.
![Белгілі журналист құрметті еңбек демалысына шықты 2 3f652633 66a3 4cfc 8d0b 4a18dcab704b](https://atr.kz/wp-content/uploads/2024/02/3f652633-66a3-4cfc-8d0b-4a18dcab704b-1024x682.jpeg)
Салтанатты жиында Исатай Құндызбайұлының атына келген құттықтаулар оқылды.
Исатай Құндызбайұлы — облыстық, республикалық басылымдарға басшылық жасаған білгір басшы. Соңынан ерген мықты шәкірттер дайындады. Журналистер одағы сыйлығының лауреаты. Өзінің ұстазы Тауман Амандосов атындағы сыйлықтың иегері. Былтыр «Ерен еңбегі үшін» медалімен марапатталды.
![Белгілі журналист құрметті еңбек демалысына шықты 3 67b2f6a3 807d 411b b899 311907f8d774](https://atr.kz/wp-content/uploads/2024/02/67b2f6a3-807d-411b-b899-311907f8d774-1024x682.jpeg)
Исатай Құндызбайұлын 63 мерейлі жасымен құттықтай отырып, деніне саулық, ұзақ ғұмыр, отбасы шаттығын тілейміз.
Суреттер Ерлан Алтыбаевтікі