Бастауыш партия ұйымында жаңа төраға

«Қазақстан темір жол» бастауыш партия ұйымы 198 азаматты біріктіріп, партия айқындаған басымдықтарды іске асыру шараларын атқарып келеді. Кеше «AMANAT» партиясы Атырау облыстық филиалының төрағасы Абдолла Идресов аталған ұйым өкілдерімен кездесті.

Онда атқарылып жатқан жұмыстар мен партиялық қызмет барысы сөз болды. Сонымен бірге, филиал төрағасы проблемалық мәселелерді шешуге бағытталған және имидждік бағыттағы жүргізіліп жатырған партиялық жобаларға тоқталды. 

Абдолла Хамиұлы айтып өткеніндей, облыстық партия филиалына қарасты сегіз филиал, 24 032 партия мүшесін біріктірген 106 бастауыш партия ұйымы бар.  

Партияның сайлауалды кезеңінде сайлаушылардың өтініші негізінде құрылған сайлауалды бағдарламасының Жол картасы бойынша осы жылға жоспарланған 85 тармақ бар, оның 19-ы орындалған,  66-сы орындалу үстінде екен.

– «Жер аманаты», «Ауыл аманаты», «Кітап – AMANAT», «Құқықтық көмек», «Қарызсыз қоғам», «Кедергісіз келешек», «Ұлттық мұра», «Ардагерлерді ардақтайық», «Бақытты отбасы», «Таза Қазақстан»  тағы да сол сияқты партиялық жобалары аясында тұрақты негізде іс-шаралар өткізілуде. «Жастар рухы» Жастар қанатының Атырау облыстық филиалы «BIR TOLQYNDA», «Рухтастар Cases» диалогтық алаңдары, «Мен донормын» акциясы, Домбыра күні «Dombyra party» акциясы секілді түрлі шаралар өтті. 

Сонымен қатар, «Өзгеріс көшбасшылары» атты жас саясаткер мектебі жобасы аясында Астана қаласында 3 күндік study tour өтіп, Атырау облысының белсенді жастары еліміздің маңызды институттарына – Парламентке, министрліктерге, ірі мемлекеттік мекемелерге және басқа да маңызды ұйымдарға экскурсия жасап, олардың жұмысы туралы мол мағлұмат алды.

 Партияның бағдарламалық құжаттары мен мақсаттарын жүзеге асыру жұмыстары әрі қарай жалғасын таба беретін болады», — деді «AMANAT» партиясы Атырау облыстық филиалының төрағасы Абдолла Идресов. 

 Кездесу кезінде партия филиалының төрағасы А.Идресов «Қазақстан темір жолы» Бастауыш партия ұйымының төрағасы Бауыржан Картанға осы уақытқа дейін атқарған жұмысына алғыс білдіріп, бастауыш партия ұйымының жетекшілігіне жаңа төраға Тарихов Ерлан Әлібекұлын ұсынып, партия мүшелері бірауыздан қолдап сайлады. 

Рита ЖАЙҒАЛИҚЫЗЫ

Суреттерді түсірген Ерлан АЛТЫБАЕВ