Атырауда төрт адам қаза болып, бесеуі жарақат алды…
Атырауда 29 тамыз бен 4 қыркүйек күндері аралығында жол қауіпсіздігін қамтамасыз ету және жол-көлік оқиғаларының алдын алу мақсатында өткізілген “Қауіпсіз жол” жедел-профилактикалық іс-шарасы аяқталды.арлайды Polisia.kz
Бұл туралы біз жергілікті ПД баспасөз өкілі Мейірім Ердәулеттен білдік. Өткізілген іс-шараның жеті күнінде патрульдік полиция қызметкерлерімен жолда жүру ережелерін бұзған 1800-ден астам көлік жүргізушісі анықталды. Олардың ішінде алкогольдік ішімдік ішкен масаң күйде көлік құралын басқарған – 22 жүргізуші, жүргізуші құқығынан айырыла тұра көлік басқарған – 3 жүргізуші, жолдың қарсы бағытына шыққан – 9 жүргізуші, көлік құралының алдыңғы әйнектерін қараңғылатқан – 140 жүргізуші, жалған мемлекеттік белгі тағып көлік жүргізген 167 жүргізуші әкімшілік жауапкершілікке тартылды. Одан басқа, әкімшілік айыппұлдарын төлемей жүрген 30 автокөлік тоқтатылып, айыппұлдары өндірілген.
– Атырау қаласының Полиция басқармасы Жедел басқару орталығында “Қорғау – Қауіпті жүргізуші” және “Сергек” ақпараттық жүйелері арқылы жеті күн ішінде 145 әкімшілік құқық бұзушылық анықталды. Сақтандыру полисінсіз көлік құралын басқарған 113 жүргізуші және жалған мемлекеттік белгі таққан 1 жүргізушіге қатысты әкімшілік хаттамалар жасақталды. “Қауіпсіз жол” жедел-профилактикалық іс-шарасын өткізу кезінде 7 жол-көлік оқиғасы тіркеліп, 4 адам қаза тапты. 5 адам әртүрлі дене жарақатын алды, — деді Атырау облысы Полиция департаменті Жергілікті полиция басқармасы жол қозғалысын қадағалау және ұйымдастыру тобының аға инспекторы Сырым Досыбаев.
Амандық САҒЫНТАЙҰЛЫ
