Атыраулық аралас жекпе-жек шеберлері Румыниядан жүлделі оралды

Атыраулық аралас жекпе-жек шеберлері Румыниядан жүлделі оралды, деп хабарлайды Атырау облысы дене шынықтыру және спорт басқармасының баспасөз қызметі.

18-22 маусым күндері Румыния астанасы Бухарест қаласында ММА спортынан жастар арасындағы ашық Еуропа чемпионаты өткен болатын. Айтулы додада Қазақстан намысын қос атыраулық спортшы қорғады.

Жеңіл салмақта Коргенов Абылай күміс жүлдеге ие болса, жартылай жеңіл салмақта Төлегенов Мейірбек қола жүлде иеленді.