![Желтоқсан айында балаларды қызылшаға қарсы егу басталады 1 2dc5e773 95c6 4e9b 9003 57113caee4b1](https://atr.kz/wp-content/uploads/2023/11/2dc5e773-95c6-4e9b-9003-57113caee4b1.webp)
Желтоқсан айында балаларды қызылшаға қарсы егу басталады
Денсаулық сақтау министрлігі балаларды қызылшаға қарсы вакциналау жоспарымен бөлісті.
«Халықтың арасында қызылшаның таралуын болдырмау үшін қосымша жаппай иммундау шарасы басталды. Иммундауға, бірінші кезекте, 6-11 ай аралығындағы нәрестелер жатқызылды. Желтоқсан айынан 2 жастан бастап 4 жас 11 ай 29 күн аралығындағы балаларды бұған дейін қызылшаға қарсы екпе алғанына қарамастан, иммундау өтеді. Сондай-ақ қызылшаға қарсы екпесі жоқ медицина қызметкерлерін вакциналау жоспарланған», – деп жазылған ведомствоның редакция сауалына жолдаған жауабында.
Министрлік мәліметінде балаларға жоспарлы екпе жасау көрсеткіштеріне ай сайын мониторинг жасалып отыр. Сондай-ақ мектепке дейінгі білім мекемелеріндегі балаларды кемінде 90 пайыз екпемен қамту бағытындағы жұмыстар күшейтілген.
Кazinform