Ауыз судың сынамасы тексерілді

Жұқпалы аурулардың алдын алу мақсатында көктемгі су тасқынынан зардап шеккен аймақтарда ауыз судың 4 мыңнан астам сынамасы алынды. ҚР Денсаулық сақтау министрлігінің мәлімдеуінше, сынамалар санитарлық-химиялық және микробиологиялық көрсеткіштері бойынша тексерілді. Нәтижесінде жұқпалы аурулардың су арқылы таралу қаупі жоқтығы анықталды. Су тасқыны кезінде профилактикалық және эпидемияға қарсы іс-шараларды жүргізу, жұқпалы аурулардың таралуының алдын алу мақсатында өңірлерге Қоғамдық денсаулық сақтау ұлттық орталығының мамандары жіберілді.
Айта кетейік, ҚР Денсаулық сақтау министрлігі әлеуметтік желіде желдей ескен су басқан аймақтардағы ауыз судың түрлі ішек инфекцияларын тудыратыны туралы хабарламаларды жоққа шығарды. Қазір бұл өңірлерде санитарлық-эпидемиологиялық қызмет жұмысы күшейді.

Малика ТӘКЕЖАНОВА