![Медколледж жатақханасы тұрғындарды қабылдайды 1 189595ec 5e95 4aaf b167 3acb2f4343a0](https://atr.kz/wp-content/uploads/2024/04/189595ec-5e95-4aaf-b167-3acb2f4343a0.jpeg)
Медколледж жатақханасы тұрғындарды қабылдайды
Атыраудағы эвакуациялық пункттердің бірі — 200 орындық Атырау жоғары медициналық колледжінің жатақханасы судан зардап шекккендерді қабылдауға дайын. Мұнда қазірдің өзінде қызылқоғалық және жылыойлық 60 студент жатыр.
![Медколледж жатақханасы тұрғындарды қабылдайды 2 6b6ab8dd 3aa4 48d8 a498 c5c871ac801e](https://atr.kz/wp-content/uploads/2024/04/6b6ab8dd-3aa4-48d8-a498-c5c871ac801e-768x1024.jpeg)
Колледж директоры Лаура Құбаеваның айтуынша, басшылық пен қызметкерлер тәулік бойына кезекшілік етуде.
![Медколледж жатақханасы тұрғындарды қабылдайды 3 3cf96b2c fca1 4dea aa5d 0f3ee44f1836](https://atr.kz/wp-content/uploads/2024/04/3cf96b2c-fca1-4dea-aa5d-0f3ee44f1836-1024x768.jpeg)
– 2021 жылы пайдалануға берілген 200 орындық жатақханадағы өзге оқушыларды үйлеріне жіберіп, колледжде білім алып жатқан Қызылқоға және Жылыой аудандарының балаларын алып қалдық. Қазір эвакуацияға арналған 140 орын дайын тұр. Бөлмелер екі және үш орынға арналған, асхана, жуынатын және медициналық бөлмелері де бар, — деді колледж директоры.
Өзіміз көргендей, мұнтаздай таза бөлмелерге төсек-орындар мен шкафтар қойылған. Бүгін кезекшілікте тұрған колледж директорының оқу жұмысы жөніндегі орынбасары Рауза Бақытова санитарлық талапқа, ең алдымен тазалыққа мән беріп отырғандарын айтады.
![Медколледж жатақханасы тұрғындарды қабылдайды 4 d3933623 f5ac 4670 a04c 09b8e704588d](https://atr.kz/wp-content/uploads/2024/04/d3933623-f5ac-4670-a04c-09b8e704588d-1024x768.jpeg)
Мәлике МӘЛІК