«Дәрігер – балалардың жанашыры»
Халықаралық балаларды қорғау күніне орай ел бойынша өткізіліп жатқан кең ауқымды акция осылай деп аталды.
Өңірлік коммуникациялар қызметінің хабарлауынша, Атырау облыстық психикалық денсаулық орталығының қамқорлығындағы 30-ға жуық бала да бұл күннен тыс қалмады. Олар үшін арнайы бағдарлама ұйымдастырылып, дәрігерлер мен мамандар тарапынан мейірім мен қолдау көрсетілді.
— Балалар үшін спорттық ойындар, аниматорлар мен концерттік бағдарламалар ұйымдастырылып, логопедтық сабақтар, құм және арт терапиясы жүргізілуде. Мақсатымыз – бүлдіршіндерге психологиялық қолдау көрсету және мерекелік көңіл-күй сыйлау, — деді облыстық психикалық денсаулық орталығының бөлім меңгерушісі Акат Гимиранова.
Сонымен қатар өңірдегі аудандық және қалалық емханалардың барлығында ашық есік күндері өтті. Ата-аналар мен балаларға профилактикалық тексерулер, дұрыс тамақтану, физикалық белсенділік пен алдын алу шаралары бойынша түсіндіру жұмыстары жүргізілді. Акция 30 мамырға дейін жалғасады.
