КИНО ӘЛЕМІНЕ САЯХАТ 

Махамбет атындағы академиялық драма театрында үздік кинофильмдердің сазды әуендері мен әндеріне арналған

«Soundtrack hits»  концерттік бағдарламасы өтті. Қала күнімен тұспа-тұс келген мәдени шараға атыраулықтар көптеп келді. 

Көрермендер алдында Дина Нұрпейісова атындағы академиялық қазақ халық аспаптар оркестрі тамаша өнер көрсетті. Көпшілікке танымал «Қыз Жібек», «Служебный роман», «Бригада», «Телохранитель», «Mortal combat» және басқа кинофильмдердегі әуендер оркестрдің орындауында ерекше сипат алды. 

Өнерсүйер қауым әншілер Элла Куртиева, Венера Машқалиева, Жасұлан Базарбаев, Мейіржан Қабдолов және басқаларына ерекше қол соғып, үлкен ілтипат көрсетті. 

Лиза СЕЙТІМОВА

Суреттер мен видеолар автордыкі