Атырауда Махамбет оқулары өтуде

Индер ауданында мектеп оқушылары арасындағы дәстүрлі облыстық Махамбет оқулары өтуде.

Облыстық білім беру басқармасы мен «Таланттарды анықтау және қолдау орталығының» ұйымдастыруымен өтіп жатқан іс-шараның басты талабы – ұлы ақын, батыр Махамбет Өтемісұлының өлеңдерін мәнерлеп жатқа айтып, күйлерін нақышына келтіре шырқау. Ал, мақсаты – елінің еркіндігін көксеген бірегей тұлға, өр рухты ақын, дауылпаз күйшінің өнегелі өмірі мен шығармашылығын насихаттап, жас дарындылардың таланттарын ұштау.

Байқау «Ел құтқарар ер едім», «Шашақты найза, шалқар күй», «Тартынбай сөйлер асылмын…», «Біз неткен ер, неткен ер, сергелдеңмен өткен ер» атты негізгі бес бағытқа бөлінген.

Айта кетелік, екі күнге жоспарланған аталған сайыста әр ауданнан келген 58 бала бағын сынауда.

Мәлике ҚУАНЫШЕВА